Ditët e fundit ka bërë xhiron e rrjetit një video ku reperi i njohur shqiptar, Sin Boy shihej tek dhunohej brutalisht nga dy persona të maskuar. Sin Boy ishte live në TikTok teksa po lyente flokët dhe u filmua i gjithë momenti i agresionit ndaj tij, që shqetësoi gjithë fansat.
Mirëpo, ditën e djeshme artisti ka treguar se e gjitha ishte e inskenuar për të bërë lojë në mënyrë që të synonte tregun e Greqisë.
“Çfarë jeni duke parë në internet nuk është Sin Boy, është një lojë që jam unë duke luajtur me tregun e Greqisë. Kjo është vetëm një luftë me tregun e Greqisë sepse nuk kam shokë, nuk kam askënd këtu”, tha ai.
Kujtojmë motra e reperit në një intervistë për “Hello” është shprehur se i vëllai ka dhimbje koke dhe është i trullosur, ndërsa shtoi se e ëma po qëndron në spital me të.
“Shkuam në spital, se kisha frikë se kishte hematomë në kokë, është në spital. Është nëna ime tani atje, me të. I dhemb koka, është i trullosur. Unë kurrë nuk e kam përjetuar këtë më parë.
Ai ishte LIVE në TikTok, unë isha në oborr. Papritur, dëgjuam zhurma, gjërat që bien. Thotë një shoqja ime “hajde po e rrahin”. Hyra dhe shoh brenda dy burra me maska që shkuan drejt tij dhe e goditën me grusht. Ai u rrëzua dhe e goditën me shkelma. Fytyra e tij ishte skuqur. U ngrit i trullosur dhe vajzat e detyruan të ulej. I sollëm ujë, u përpoqa ta ndihmoja, shkuam edhe në një farmaci. Autorët ikën më vrap”, tha ajo.
