Shumë veshje ose aksesorë nuk janë aq të padëmshëm sa mund të mendojmë. Nëse nuk i kushtojmë vëmendje materialeve që veshim, ose zgjedhim veshje vetëm se janë në modë dhe jo të rehatshme, pasojat mund të jenë vërtet të këqija.

Këtu kemi një listë të veshjeve që nuk duket t’i blini ose duhet t’i vishni me kujdes.

Veshjet e ngushta 

Veshja e vazhdueshme e të ngushtave mund të çojë në acarim të lëkurës. Dhe kjo për faktin se këto veshje përbëhen nga materiale të trasha dhe tepër të shtrënguara.
 
Për më tepër, trupi djersitet, dhe mjedisi i lagësht dhe i ngrohtë është ‘një tokë pjellore’ për rritjen e baktereve. Prandaj, rekomandohet që t'i ndryshoni ato shpesh dhe t'i lani ato pas çdo përdorimi.

Edhe ato të gjera 

Nuk janë vetëm veshjet e ngushta ato që mund të jenë të pasigurta. Hoodies mund të shkaktojnë siklet në qafë dhe shpinë. Mëngët e gjëra mund t’ju bëjnë të mbani krahët në një pozicion të panatyrshëm, gjë që mund çojë në lodhje të muskujve të trupit.
 
Veshjet rezistente ndaj ujit

Deri kohët e fundit, materialet rezistente ndaj ujit përbëheshin nga kimikate të rrezikshme. Pasi u bë e qartë se ato përbënin një kërcënim të mundshëm për mjedisin dhe shëndetin e njerëzve, prodhuesit e veshjeve sportive filluan të kërkojnë alternativa të tjera. Pra, tani ju mund të zgjidhni një markë që ka braktisur përdorimin e këtyre substancave në prodhimin e këtyre veshjeve.

Sandale gladiatori 

Ato të cilat quhen sandale galdiatorësh, me rripa që mbështillen rreth kyçeve të këmbëve nuk janë vetëm të parehatshme, por ato mund të dëmtojnë këmbët tuaja. Këto këpucë pengojnë qarkullimin e gjakut, gjë e cila çon në edemë dhe madje mund të shkaktojë variçe. Mund t’i vishni, thjesht mos e bëni çdo ditë.
 
Fustane dhe bluza me lidhëse

Këto veshje zakonisht ushtrojnë presion mbi qafën tuaj, veçanërisht nëse keni gjoks të madh. Nëse një T-shirt e thjeshtë shpërndan në mënyrë të barabartë peshën në supe, rrobat me lidhëse mbajnë të gjithë peshën në qafën tuaj. Si rezultat, një person duhet të mbajë një pozicion të parehatshëm ku koka është e përkulur përpara dhe supet janë të rrumbullakosura dhe të ulura.