Keni provuar lloje të ndryshme rimeli dhe sërish jeni të pakënaqura? Ndonjëherë nuk është faji i rimelit, por i teknikës që përdorni për ta aplikuar atë apo i produkteve të tjera që (nuk) vendosni poshtë tij. Ashtu si unë, mendoj se edhe ju keni bërë të njëjtin gabim sot dhe çdo herë tjetër që aplikoni rimelin – nuk keni vendosur bazën e primerit.

Rimeli pa primer mund të duket bukur, por duke i kombinuar këto dy produkte me njëri-tjetrin qerpikët tuaj do të marrin një pamje tjetër. Primeri jo vetëm që e bën aplikimin e rimelit më të thjeshtë, por gjithashtu nuk lejon ndarjen e rimelit në copëza dhe shmang njollat që ai lë përreth syve.

Nëse dëshironi që qerpikët tuaj të marrin një pamje krejt tjetër, na lejoni t`ju themi që ka ardhur koha të përdorni primerin!