The Plaza, hoteli më i ri me 5 yje në Tiranë, i cili ka nisur funksionimin para disa muajsh, organizoi dje eventin zyrtar të hapjes.
Një përurim madhështor dhe elegant, siç ta imponon ndërtesa me një arkitekturë të vlerësuar nga MoMa në New York dhe të prezantuar në Biennale-n e Venecias, si dhe arredimi dhe shërbimi që mbartin në çdo detaj, shkëlqimin e standardizuar të 5 yjeve.
Class Events ishte partner në këtë organizim duke dekoruar hollin e hotelit dhe katin e tretë ku u mbajt konferenca e përurimit. Në të, folën Kryeministri i Shqipërisë, Edi Rama, Behar Male, një nga aksionerët që bashkë me Vasil Naçin kanë realizuar këtë investim gjigant dhe menaxheri i hotelit, italiani Carmelo Franco Lentini.
Plaza është një investim plotësisht shqiptar, por i ndërtuar dhe menaxhuar në bashkëpunim me kompani dhe profesionistë ndërkombëtarë. Ndërtesa është projektuar nga kompania belge “51N4E”, një ekip arkitektësh dhe dizajnerash kanë kuruar, 23 katet, 190 dhomat, 3 restorantet Panevino, Convivium and Savor, 3 baret, palestrën 24-orëshe, SPA-në dhe sallat e takimeve, ndërkohë që dhe chef-i i kuzhinës është italian me një përvojë të gjatë në sektor.
Ky mjedis ndërkombëtar i një cilësie të padiskutueshme, edhe eventin e hapjes duhej ta kishte të kuruar me një shije të hollë dhe në standardin e hotelerive elitare.
Për këtë arsye, Class Events në hyrjen e hotelit realizoi një koncept floral si ai i holleve të hoteleve Four Seasons.
Ndërkaq, në katin e tretë, në tavanin e sallës ku u mbajt konferenca, u realizua një qiell vezullues nga Relab_design, studio e cila pati idenë për të krijuar efektin spacial dhe 5 yje 3D, treguesit kryesor, që është i pamundur të harrohet, të standardit të The Plaza Tirana.
Ngjyrat e zgjedhura nga Class Events ishin e zezë dhe gold, ndërsa lulet të frymëzuara nga Armani Fiori.
Një hoteli me 5 yje, i duhej një event përurues me shkëlqim të plotë!
Event: Class Event
Media Partner: Revista Class
Foto:Vani Dafa Class Photography
Sabrina Shehu: The Sab
Floral Designer: Frida Banushi
Event Designer: Viola Gaçi, Eda Shima
Graphic Designer: Eriola Pepkolaj
Co Designer me Class Event: Relab_Design / Rea Xhillari
Cattering: The Plaza
Montazh: Ergest Koçi
Videography: Anri Shuka
Fishekzjarret: Alba Fire
Ndricimi: Pro Sound
Menaxhim Eventi: Stafi i The Plaza Tirana