Një ngjarje e pazakontë ka ndodhur në një dasmë në Benoni të Afrikës së Jugut. Ndërsa të gjithë prisnin që të kryhej ceremonia, një tjetër nuse ka hyrë në sallë e revoltuar, ndërsa shoqëruesi i dhëndrit po përpiqej të qetësonte situatën dhe ta nxirrte jashtë. Me sa duket, vajza e veshur si nuse është dashnorja e dhëndrit.

Kjo ngjarje është filmuar nga të pranishmit në dasmë dhe po bën xhiron e rrjetit. Në video shihet qartë në altar dhëndri dhe nusja të shqetësuar dhe të ftuarit që po përpiqen të kuptojnë çfarë po ndodh. Në sallë dëgjohen brohorima kundër, por edhe pro nuses, e cila e ka ndarë mendjen për të prishur dasmën.