Teksa vera dalëngadalë po mbaron, ka disa gjëra të veçanta që na kanë bërë përshtypje gjatë stinës më të nxehtë të vitit. Në rrjetet sociale, vajzat e famshme, por edhe ato të zakonshme, janë në "konkurrencë", për foton më të bukur të verës. Në këtë stinë të gjithë publikojnë më shumë foto, video nga vendi ku po kalojnë pushimet. Ajo çfarë kemi vënë re nga fotot e pushimeve të VIP-ave është shalqiri.

Po, po mund t'ju duket e çuditshme, por ky frut ka tërhequr shumë vëmendjen gjatë verës. Vajzat e njohura shqiptare kanë preferuar këtë frut të stinës për të realizuar foto vërtet të bukura. Mirëpo, ky frut përveç se shfrytëzohet për foto, ka dhe vlera të mëdha ushqimore. Shalqiri nga kërkimet e fundit ka rezultuar se është një ndihmesë natyrore kundër sëmundjeve kardiake si dhe në uljen e nivelit të kolesterolit të keq. Konsumi i shalqirit mund të lejojë edhe mbajtjen e peshës nën kontroll. Pra, konsumoni shalqi, por edhe realizoni foton e bukur të verës!