Ka spostuar në renditje Emma Stone, e cila e zotëronte bindshëm postin e vendit të parë, si aktorja më e paguar për vitin 2017-të. Këtë herë, është Scarlett Johansson që sipas revistës prestigjioze Forbes, renditet e para në top listën e aktoreve më të paguara për 12 muajt e fundit.

Ylli i "The Avengers", i rrëmbeu vendin e parë Emës, e cila e fitoi postin për shkak të performancës së saj si aktore protagoniste në filmin "La La Land", me të cilin fitoi edhe një çmim Oscar. Revista Forbes, llogarit fitimet e aktores për periudhën 1 qershor 2017-të deri më 1 qershor të këtij viti. Johansson doli në krye të listës, me fitime që kapin shifrën e afro 40.5 milionë dollarë në 12 muajt e fundit.

Angelina Jolie e ndjek Johansson-in në vendin e dytë në listën e Forbes, duke arritur fitime që kapin shifrën e 28 milionë dollarëve , kjo referuar rolit të fundit të aktores së famshme në "Maleficent 2", ndërsa e treta është Jennifer Aniston me 19.5 milionë dollarë.

10 aktoret më të paguara për vitin 2017-të!

1. Scarlett Johansson ($40.5m)

2. Angelina Jolie ($28m)

3. Jennifer Aniston ($19.5m)

4. Jennifer Lawrence ($18m)

5. Reese Witherspoon ($16.5m)

6. Mila Kunis ($16m)

7. Julia Roberts ($13m)

8. Cate Blanchet ($12.5m)

9. Melissa McCarthy ($12m)

10. Gal Gadot ($10m)

 

Burimi: Harper's Bazaar. Uk