Një prej personazheve më të komentuar të Big Brother, e cila mbeti e tillë edhe pas spektaklit, Xheni Mhillaj, pas një kohe të gjatë qëndrimi në Tiranë, u rikthye në Itali pranë familjes për të vazhduar atje jetën e saj. Por së fundi, është përballur me një ngjarje të rëndë që i ka ndodhur në shtëpi. Me një postim të saj në Instastory, Xheni ka ndarë me fansat lajmin se shtëpia i është vjedhur dhe i janë marrë prej andej sende me vlerë.

E indinjuar për atë që i ka ndodhur, Xheni shkruan në profilin e saj: “Një njeri normal çohet në mëngjes dhe ikën në punë për të fituar para. Pastaj janë ata që u mjafton të hyjnë në shtëpinë tënde (ashtu si më ndodhi mua sot), ose të të tjerëve për të marrë çdo gjë që është fituar me punë dhe djersë. Vdekshit Ishalla",- shkruan Xheni.

Nuk dihet se në ç’rrethana ka ndodhur ngjarja e rëndë në shtëpinë e Xhenit dhe sa mund të jetë vlera e rrëmbyer në shtëpi, por kushdo në vendin e saj do të ishte indinjuar për këtë situatë aspak të këndshme me të cilën përballen jo pak herë personazhe të njohur në botë.