Kush është romantike, me siguri ka të ruajtura në telefon me qindra-mijëra foto fustanesh, dedikimesh apo vendesh të bukura për t’ia “dhuruar” një ditë partnerit (nëse i mbushet mendja ndonjëherë) të bëjë propozimin klasik – atë që vajzat e ëndërrojnë që fëmijë.  

Edhe çdo vajzë që po jeton një lidhje të konsiderueshme dashurie mendon se kur do të jetë momenti i duhur që i dashuri të hedhë edhe një hap më shumë.

Dita e lindjes, dita e të dashuruarve apo në ndonjë festë tjetër?

Sigurisht, të gjitha këto data qëndrojnë. Nëse edhe i dashuri yt ka filluar të tregojë disa shenja që së shpejti do të hedhë një hap të ri, është mirë t’i fiksosh datat e mësipërme, por nëse nuk e ka idenë për asgjë nga ato që thamë deri tani, atëherë duhet të shikojmë se çfarë thonë studimet.

Në një studim të fundit të realizuar në Angli, propozimet më të shumta bëhen në dy data shumë të rëndësishme, ditën e Krishtlindjeve dhe ditën e të dashuruarëve. Kështu, studiuesit thonë se unazat me gur dhurohet me një sfond të dekoruar me drita e me zemra. 33 për qind e propozimeve realizohen për festa, por rreth 25 për qind e tyre në Shën Valentin dhe 18 për qind në ditën e ndërrimit të viteve.

I njëjti studim tregoi gjithashtu se 51 për qind e meshkujve preferojnë mënyrën klasike për të propozuar (Do të martohesh me mua?), ndërsa 11 për qind nuk janë kundër një propozimi më modern, që mund të jetë një anije, një avion privat, një dedikim i personalizuar etj.

Cili është rezultati?

Nxitoni për një fustan të kuq, Shën Valentini është afër!