Cara Delevingne dhe Ashley Benson pranuan më në fund se janë në një lidhje së bashku. Modelet janë përfolur në media e fotografuar shpesh së bashku, por nuk e kishin pranuar të ishin në një lidhje deri para dy ditësh. Me anë të një videoje në Instagram, Cara vendosi ta bënte zyrtare lidhjen me të dashurën e saj duke ia treguar gjithë botës.
Në video dy vajzat shfaqen duke u puthur me njëra-tjetrën. “Pride”, -shkruan Cara duke iu referuar komunitetit LGBT. Ajo ka bërë tag Ashley-n dhe ka shtuar një ylber, një zemër dhe një fytyrë me sy me zemra. Ndërsa Ashley iu përgjigj me tri zemra.
View this post on Instagram
Sipas Us Weekly, Ashley ka shitur shtëpinë e saj në Los Angeles për të jetuar në shtëpinë e Delevigne. Vajzat janë njohur gjatë xhirimeve të “Her Smell” dhe përfliten që janë në një lidhje që prej gushtit të vitit të kaluar.