Soda e bukës po përdoret gjithnjë e më shumë për maskat në kushtet e shtëpisë, sidomos nga njerëzit që kanë fytyra me tendencë aknesh. Në internet ekzistojnë me qindra maska me sodë buke që këshillohen për ata që kanë fytyra me probleme. Nëse edhe ju e keni përdorur ose vazhdoni ta përdorni sodën për maska të ndryshme duhet të dini se po i bëni një dëm të madh fytyrës suaj.

Është e vërtetë që soda ka veti anti-inflamatore dhe antimikrobiale, por kjo s’do të thotë që është një ide e mirë që ta vendosni në lëkurën tuaj. Soda ndryshon balancën e pH natyral të lëkurës suaj. Kjo gjë mund t’i acarojë aknet, të thajë lëkurën dhe ta bëjë atë më delikate. Në kërkimet mjekësore nuk rekomandohet në asnjë mënyrë përdorimi i sodës së bukës në fytyrë.

Megjithatë maskat natyrale që mund të përdorni për fytyrën janë të shumta, nuk keni pse rrezikoni duke vendosur në fytyrë produkte agresive si soda e bukës që mund t’i bëjë më shumë keq se mirë lëkurës suaj.