Një ilaç i ri për simptomën Alzheimer, i pari pas 20 vitesh, mund të aprovohet të hënën në Shtetet e Bashkuara të Amerikës, dhe më pas do të jetë gati për gjithë botë.

Çdo vendim ka të ngjarë të jetë i diskutueshëm. Dy prova u ndaluan në mars të 2019-ës, sepse ilaçet duket se nuk funksiononin. Prodhuesi, Biogen, tha se ilaçet nuk kishin gjasa të përmirësonin kujtesën dhe mendimin e njerëzve.

Një nga provat e fundit me medikamentin e ri, që përfshinte njerëz që kishin marrë ilaçe për një kohë të caktuar, tregoi se një dozë e lartë mund të ngadalësojë rënien e kujtesës dhe aftësive të të menduarit.

Hilary Evans, shefi ekzekutiv në Alzheimer's Research UK, tha:

"Vendimi i sotëm nga FDA mund të jetë historik për njerëzit me sëmundjen e hershme të Alzheimerit dhe familjet e tyre në SH.B.A., dhe rezultati do të jetë thelbësor. Nëse aducanumab miratohet në SH.B.A., ai do të jetë ilaçi i parë i ri i licencuar për gati 20 vjet dhe i pari ndonjëherë që vepron mbi vetë sëmundjen themelore. Miratimi do të sillte shpresë të përtërirë për shumë njerëz në të gjithë botën, por rregullatorët e Mbretërisë së Bashkuar do të duhet ende të përfundojnë vlerësimin e tyre rigoroz të të dhënave për të vendosur nëse aducanumab duhet të licencohet në MB. "