Mary Mara, aktorja që luajti në shfaqje televizive si "Law & Order", "Ray Donovan" dhe "NYPD Blue", ndërroi jetë të dielën në moshën 61-vjeçare.

Ajo u mbyt në lumë pak pas orës 8 të mëngjesit me orën lokale, në qytetin Cape Vincent ku ajo jetonte, sipas një raporti policor të marrë nga The Post. Policia e gjeti trupin e saj në ujë dhe tha se nuk kishte shenja dhune.

"Trupi i Mary u gjet këtë mëngjes në lumin e saj të dashur St. Lawrence", tha përfaqësuesi i saj për Fox News Digital. "Ajo u mbyt duke notuar."

Megjithatë, një autopsi do të kryhet për të përcaktuar shkakun zyrtar të vdekjes.

Mara thuhet se po qëndronte në shtëpinë verore të motrës së saj, përballë me lumin St. Lawrence, kur vendosi të shkonte për të notuar.