E zeza klasike, e përjetshme dhe jashtëzakonisht elegante është një zgjedhje ideale për këdo dhe kurdo – por a mund të vishni të zeza në një dasmë dhe cilat janë rregullat? Ndërsa ju mund të keni një fustan të zi në garderobë për shumicën e rasteve të tjera, zgjedhja është pak më e komplikuar kur përfshihen dasmat.

Së fundmi, Einxhel Shkira veshi një fustan të zi në dasmën e kunatës së saj dhe kjo gjë ngjalli reagime në rrjet pasi për disa njerëz veshja e saj ishte e papërshtatshme. Moderatorja reagoi duke thënë se dashurinë e respektin nuk e tregon përmes ngjyrave teksa shtoi se ishte kunata e saj ajo që e ndihmoi në zgjedhjen e fustanit.

Nisur nga ky rast, ne kërkuam dhe zbuluam se çfarë thonë ekspertët për veshjen e një fustani të zi në një dasmë.

-          A është mosrespekt veshja e një fustani të zi në një dasmë?

Po, mund të jetë absolutisht e përshtatshme të vishni të zeza në një dasmë, dhe zakonisht nuk konsiderohet mungesë respekti (edhe pse ka përjashtime). Ndërsa veshja e zezë ishte tradicionalisht e lidhur me zinë dhe funeralet, kohët po ndryshojnë - dhe po ashtu edhe rregullat e modës! Këto ditë, e zeza është shik dhe elegante.

-           Kur nuk duhet të vishni ngjyrë të zezë në një dasmë?

Ka disa skenarë ku nuk duhet të vishni të zeza në një dasmë, kështu që është e rëndësishme t'i kushtoni vëmendje ftesës. Nëse çifti ndjek disa tradita kulturore, mund të jetë kundër kulturës së tyre (dhe konsiderohet mosrespektim) të veshin të zeza në dasmë. Kjo është veçanërisht e vlefshme për dasmat indiane dhe kineze, ku ngjyrat e errëta nuk pranohen).

Një shembull tjetër ku duhet të shmangni veshjen e zezë në një dasmë është nëse kodi i veshjes përcakton në mënyrë të qartë rregullat se cilat ngjyra duhet të vishni. Kodet unike dhe hiper-specifike të veshjes janë në rritje, kështu që çifti mund të ketë një vizion shumë të qartë se çfarë duan të veshin të pranishmit.

-          Disa rregulla që duhet të dini nëse vendosni të visheni me të zeza

Kini parasysh vendndodhjen

Në disa vende e kultura është shumë e zakonshme të shohësh gra e vajza me fustane të zinj në dasma, në vende të tjera është shumë më pak e zakonshme.

Një dasmë buzë plazhit, për shembull, kërkon ngjyra të ndezura, ndërsa një dasmë në një kështjellë në mund të kërkojë diçka mbretërore, si tonet e xhevahirit.

Kini parasysh materialin dhe gjatësinë

Jo të gjithë fustanet e zeza janë njësoj. E zeza është ngjyra më e gjithanshme dhe më lajkatare që çdo femër duhet të vesh. Por për shkak se e zeza thith nxehtësinë, nëse e vishni në një dasmë në plazh, do të dëshironi të vishni një pëlhurë të lehtë.

Nëse do të shkoni në një dasmë më pak formale dhe ngjyra juaj e preferuar është e zeza, kontrolloni gjatësinë dhe prerjen e fustanit. E zeza është super elegante, por ndonjëherë duket e tepërt. Gjatësia dhe pëlhura duhet të jenë të përshtatshme bazuar në kohën e vitit dhe vendndodhjen.

Përpiquni ta bëni sa më festive

E zeza është pa mëdyshje praktike, por kjo nuk do të thotë se fustani me gjatësi të mesme që vishni për darkat e punës është i duhuri për një martesë. Nëse vishni fustanin dhe ndjeni se do të shkonit edhe në zyrë ose për një intervistë me atë veshje, atëherë është koha për të zgjedhur një tjetër. Në varësi të asaj që kërkon dasma, ju mund të vishni një fustan të zi të gjatë ose të shkurtër në një dasmë dhe ta trajtoni atë si çdo ngjyrë tjetër.

Bëjeni look-un tuaj argëtues dhe gati për festë duke përfshirë detaje metalike, ngjyra të ndezura dhe bizhuteri. Fustanet e zeza janë në thelb një fletë bosh. Argëtohuni me të dhe bëjeni atë unik për stilin tuaj. Këpucët tuaja nuk duhet të jenë e zezë.