Irlanda ofron mbi 80,000 euro nëse pranoni të jetoni në një nga ishujt e saj

Nëse keni ëndërruar ndonjëherë të hiqni dorë nga gjithçka dhe të rinisni jetën tuaj në një ishull të largët, ky mund të jetë shansi juaj.

Irlanda ka nisur një skemë e cila do të paguajë stimuj në para për njerëzit që zgjedhin të lëvizin në një nga komunitetet në det të hapur të vendit. Nisma është pjesë e politikës së vendit me emrin “Our Living Islands”, përmes së cilës qeveria irlandeze synon të rrisë popullsinë e ishujve të Irlandës.

“Qëllimi i kësaj politike është të sigurojë që komunitetet e qëndrueshme të mund të vazhdojnë të jetojnë - dhe të lulëzojnë - në ishujt në det të hapur për vitet që do të vijnë,” thotë qeveria.

Duket si arratisja ideale, por ka disa kushte.

Si të paguheni për të jetuar në një ishull në Irlandë?

Skema “Our Living Islands” ndihmon komunitetet në 30 ishuj që nuk janë të lidhur me kontinentin me anë të urave dhe të shkëputur nga baticat. Si pjesë e projektit, qeveria e Irlandës do të paguajë mbi 80,000 euro për banorët e rinj të komuniteteve.

Sidoqoftë, nuk është rasti kur do të zhvendoseni në një vilë komode në ishull dhe do të merrni një depozitë bankare të parakohshme ditën tjetër.

Grantet në para ofrohen si një mënyrë për të shpëtuar dhe restauruar numrin në rritje të pronave të braktisura dhe të rrënuara në ishuj.

Si i tillë, ka disa kushte për marrjen e parave.

Banorët e mundshëm duhet të blejnë dhe të zotërojnë një pronë në një nga ishujt. Objekti duhet të jetë ndërtuar para vitit 1993 dhe të jetë bosh për të paktën dy vjet.

Ekzistojnë gjithashtu rregulla në lidhje me përdorimin e parave të gatshme pasi të jepen. Paratë mund të përdoren për punë ndërtimi si, përmirësimet strukturore dhe ridekorimi.

Nëse keni mbaruar të gjitha punimet, mund të kërkoni deri në 84,000 € për të shpëtuar një pronë nga rrënimi dhe për ta transformuar atë në shtëpinë e ëndrrave tuaja.

Nëse dëshironi të kaloni një jetë të izoluar në një ishull të egër, aplikimet janë të disponueshme nga 1 korriku. Autoritetet lokale të ishujve ndryshojnë pak në politikat e tyre të përshtatshmërisë, kështu që mësoni më shumë në Web-in e tyre "Our Living Islands".

Arratisjet e largëta nga të cilat mund të zgjidhni përfshijnë Arranmore në brigjet e qarkut Donegal, me rërë të artë dhe shkëmbinj të thepisur, ose Clare Island në brigjet e County Mayo, nkjë parajsë alpinistësh me një popullsi rezidente prej vetëm 160 banorësh.

Si të paguheni për të jetuar në Evropë

Disa komunitete të tjera në mbarë Evropën kanë nisur skema për të joshur banorët e rinj.

Në Itali dhe Spanjë veçanërisht, qytetet dhe fshatrat rurale po përdorin stimuj në para për të rritur popullsinë e tyre në pakësim.

Qyteti malor i Ponga në veriperëndim të Spanjës do t'u paguajë britanikëve 2,600 £ (2,971 €) secili për t'u zhvendosur atje.

Qyteti i bardhë i Presicce-Acquarica në rajonin jugor italian të Pulias do të paguajë banorët e rinj deri në 30,000 euro për të bërë këtë lëvizje.

Burimi: Euronews