Kush është Luna, e dashura e re e Fedez

Fedez duket se ka nisur një lidhje të re me Luna Shirin Rasia. Kjo është vera e parë që reperi kalon si beqar pas ndarjes nga Chiara Ferragni. Pas zërave për një lidhje me Garance Authiè dhe Sveva Magatti, tani revista “Chi” e ka kapur atë në Costa Smeralda në shoqërinë e Lunës, e njohur më parë si e dashura e Michele Merlo.

Fedez dhe flirti me Luna Shirin Rasia

“Fedez, duke kaluar pushimet me miqtë në Costa Smeralda, është kapur në momente të afërta me Luna Shirin Rasia, 23 vjeç, e treta vajzë me të cilën është parë pas ndarjes nga Chiara Ferragni.” Ky është lajmi që ka publikuar revista “Chi”, duke shtuar se edhe ditët e fundit ka pasur spekulime për këtë flirt. Kjo është një verë e veçantë për reperin, pasi për herë të parë është beqar pas shumë vitesh martesë me Chiara. Pas një periudhe me Garance Authiè, ai është lidhur me disa vajza të tjera dhe është fotografuar nga “Chi” me Sveva Magatti, një studente e re në Politeknikun e Milanos.

Ndërkohë, Chiara Ferragni është përfolur për një lidhje me Silvio Campara, me të cilin kishte planifikuar të largohej për në Peru, por që është anuluar. Campara është i martuar dhe baba, dhe ndjenjat e tij për Chiara kanë shkaktuar një krizë personale, mes tërheqjes ndaj saj dhe dëshirës për të ruajtur familjen e tij. Gazetari Gabriele Parpiglia komenton për flirtin e Fedez me Lunën: “A mbaron këtu vera e nxehtë e Fedez? Por, Garance dhe Sveva, pse nuk kanë dhënë asnjë intervistë? Mendoja se nuk ishte dashuri, por ishte vetëm një reklamë.”

Kush është Luna Shirin Rasia?

Luna Shirin Rasia, e njohur më parë si e dashura e fundit e Michele Merlo, këngëtari i njohur nga programet “Amici” dhe “X Factor” që ndërroi jetë më 6 qershor 2021, ka qenë gjithmonë shumë diskrete për jetën e saj private. E lindur në Caracas, Venezuela, ajo ka punuar si modele dhe ka studiuar në Universitetin e Bolonjës, dega e kulturave të modës. Lidhja e saj me Michele Merlo është mbajtur larg syrit të publikut dhe ata jetuann bashkë për një periudhë të shkurtër.

Zërat për lidhjen e Fedez me Lunën filluan nga faqja “Very Inutil People”: “Pashë Fedez mbrëmë në Phi Beach duke i dhënë një puthje kësaj vajze me flokë të shkurtër. Nuk arrita të bëj video. Ajo quhet Luna Shirin Rasia, është modele nga Bolonja dhe ish e dashura e Michele Merlo,” dhe tani është konfirmuar nga revista “Chi” me foto.