Heidi Baci, e cila ka qenë në qendër të vëmendjes së mediave rozë pas daljes nga "Big Brother VIP" edhe për raportin e saj me Romeo Veshajn, ka tërhequr sërish vëmendjen. Ajo prej ditësh nuk është aktive në mediat sociale, madje nuk uroi as Romeon për ditëlindje.
Sakaq, së fundmi, një foto e re e Heidit është publikuar nga ‘Kryefjala’, ku ajo shfaqet në ambientet e jashtme të Top Channel.
Në foto, Heidi duket e vetme dhe e relaksuar, duke mbajtur një cigare në dorë. Ky imazh vjen në një kohë kur ka pasur shumë spekulime dhe interes rreth saj. Sipas ‘Kryefjala’, Heidi është duke bërë audicionet për të qenë një nga moderatoret e programit të njohur të humorit “Portokalli”. Gjithsesi nuk ka një konfirmim.
Fansat dhe ndjekësit e saj do të duhet të presin për të parë nëse ajo do të arrijë të sigurojë një vend në këtë program të dashur për publikun shqiptar.
