Pas shpalljes zyrtare të 30 Big-ve në garë, gara për Sanremo 2026 ka nisur de facto. Sipas kuotave më të fundit të Sisal, favoritë për fitoren janë Fedez dhe Marco Masini, një duo që publiku e ka parë tashmë në skenën e Ariston: vitin e kaluar ata morën vendin e tretë në mbrëmjen e dueteve, ndërsa këtë herë kthehen si konkurrentë më vete. Kuota e tyre 4.50 është më e ulëta aktualisht, duke i vendosur një hap përpara të gjithëve.
Pas tyre, në kuotën 5.00, vjen Tommaso Paradiso, në debutimin e tij si solo në Festival. Me një publik tashmë besnik dhe karizmën e një autori hit-esh, bookmaker-at e shohin menjëherë si pretendent serioz për podiumin.
Në kuotën 9.00 janë dy emra shumë të ndryshëm, por po aq të fortë:
Arisa– dy herë fituese e Sanremos me “Sincerità” dhe “Controvento”, gjithmonë e aftë ta kthejë interpretimin në emocion të pastër.
Luché– një prej zërave më të konsoliduar të rap-it italian, që mund të tërheqë si kritikën, ashtu edhe publikun me narrativën e tij personale.
Më pas, në 12.00, qëndron një bllok i fuqishëm “rikthimesh të mëdha”:
Malika Ayane, Ermal Meta, Dargen D’Amico dhe Levante – artistë tashmë të dashur për publikun sanremese, të cilët kanë lënë gjurmë në edicionet e kaluara dhe rikthehen të armatosur me projekte të reja.
Në pjesën tjetër të listës:
Serena Brancale (16.00),
Mara Sattei (20.00),
Tredici Pietro dhe Michele Bravi (25.00).
Ndërsa me kuotën 33.00 gjejmë një miks gjeneratash dhe stilesh: J-Ax, Leo Gassmann, Chiello, Fulminacci, Lda, Aka 7even, si dhe dy emra të rinj shumë të përfolur: Sayf dhe Nayt.
