Top Channel përuron studiot e reja, ja të pranishmit

Sot televizioni kombëtar Top Channel ka organizuar një festë për të përuruar studiot e reja në Kashar. Shtëpia e re e ka mbledhur gjithë familjen e telvizionit e cila për disa vite ka qenë e ndarë mes kësaj godine dhe studiove te Piramida. Nuk u la rastësisht dita e sotme për të zhvilluar festën e përurimit megjithëse prej disa kohësh programet e televizionit janë zhvendosur që të gjitha në këtë godinë. Kjo festë përkon me ditëlindjen e themeluesit të Top Medias, të ndjerit Dritan Hoxha. Bashkëshortja dhe ish-bashkëpunëtorët e tij kanë vazhduar ëndrrën e Hoxhës dhe Top Channel tani vjen me studio të reja dhe kushte me standarde ndërkombëtare. Ditëlindja e Dritan Hoxhës u kthye në një ditë feste për shtëpinë e re të Top Channel që ai e themeloi me shumë pasion dhe për ta bërë më të madhe këtë festë ishin të ftuarit specialë nga bota e artit, medias dhe politikës.