Pak ditë më parë, Alban Dudushi dhe Bieta Sulo publikuan foton e parë me djalin e tyre Kroi Art. Një bebe fare e vogël ngjeshur pas gjoksit të së ëmës, në një shëtitje të çiftit në sheshin e ri në qendër të Tiranës, ishte një pamje e ngrohtë që, dhe sipas qëllimit të prindërve, të ngjallte kujtime të fëmijërisë.
Por nuk kaloi shumë kohë dhe Bieta na ka sjellë një tjetër pamje nga Kroi Art, i cili vazhdon të ushtrojë aktivitetin e tij të preferuar, gjumin. Ndërkaq diçka tjetër interesante po ndodh aty.
Albani i ka dhuruar një lule Bietës. "1 lule rrëfen që je në qendër të vëmendjes së tij", shkruan ajo.
Nëse djali, që kur ka lindur, është normalisht në qendër të vëmendjes së prindërve, siç ndodh për çdo çift, kjo nuk do të thotë që aty nuk ka vend për njeri tjetër. Dhe sigurisht që për Albanin nuk mund të mungojë në atë pikë qendrore të vëmendjes, partnerja dhe gruaja që sapo i ka dhuruar një fëmijë .
Nëse mendoni që në ditët e para pas lindjes së fëmijës, ka shumë gjërat për të menduar, kujtohuni, siç thotë Bieta që edhe një lule mjafton.
