Justin Bieber dhe bashkëshortja e tij, Hailey, u martuan vitin e kaluar në një ceremoni intime në Nju Jork, por shumë shpejt ata do të organizojnë edhe një dasmë madhështore, ashtu siç e kanë ëndërruar gjithmonë. Pasi është shtyrë shumë herë për shkak të gjendjes jo të mirë psikologjike të Justin, më në fund, ceremonia do të mbahet javës tjetër. Dasma e dytë do të bëhet në një kishë në Karolinën e Jugut dhe të pranishëm do të jenë familjarët, kolegët dhe miqtë më të ngushtë të çiftit.
Ashtu siç e do tradita, Hailey ka organizuar festën e beqarisë bashkë me mikeshat e saj. Disa foto dhe video kanë filluar të qarkullojnë menjëherë në rrjet dhe Hailey dukej më e lumtur se kurrë. Sipas Daily Mail, festa e beqarisë u mbajt në West Hollywood dhe mes mikeshave të Hailey-t ishte edhe Kendall Jenner.
View this post on Instagram
Hailey veshi një fustan të bardhë të shkurtër dhe një vello. Ajo rrezatonte lumturi dhe nuk mundi t’i fshihte emocionet.
Tani mezi po presim ta shohim me fustanin e nusërisë.
