Atletja shqiptare Luiza Gega ka fituar medalje ari në Lojërat Mesdhetare ‘Tarragona 2018’, në Spanjë. Luiza mori medaljen e parë të artë për Shqipërinë në këtë edicion, duke regjistruar kohën 9’27”73. Ajo e zhvilloi garën në disiplinën 300 metra me pengesa duke lënë pas atleten tuniziane Habiba Ghribi, e cila u rendit e dyta me kohën 9’34’’62,3.

Luiza Gega është një prej sportisteve më të mira shqiptare dhe kjo nuk është hera e parë që  na bën të ndihemi krenarë. Gjithmonë janë diskutuar kushtet e vështira ku stërviten sportistët shqiptarë, por kjo gjë nuk i pengon ata të korrin suksese kudo.