Festivali Multikulturor i Beratit, arena e folklorit dhe traditës

Tashmë, i kthyer në një traditë të përvitshme kulturore, për të pestin vit radhazi, Festivali Multikulturor i Beratit është një nga ngjarjet artistike të shumëpritura, jo vetëm nga vendasit, por edhe të huajt.

Një skenë që mbart vlera të mirfillta kulturore dhe artistike, të cilat dëshmojnë pasurinë e pashoqe të Shqipërisë, sa i takon traditës dhe kulturës. Sivjet, nën moton "Unë jam trashëgimi", ky festival i cili ka nisur në datë 21 korrik dhe përfundoi të shtunën. Ky edicion solli një dinamikë të larmishme gjurmësh artistike, që datojnë herët që në origjinën e lashtë tonën, e për të vijuar në ditët e sotme, e përcjell me një frymë moderne. Edhe këtë vit drejtor artistik i festivalit artisti Mario Guralumi, ka sjell idetë e mbrujtura me një dinamikë aktivitetesh që kanë mbajtur të ngërthyer qytetarët beratas, por edhe shumë artdashës nga vendi dhe bota.

Muzika, ekspozitat përmes traditës, erdhën si një ndërthurje mes folklorit dhe modernes, ku fokusi parësor ishte folklori si një element i çmuar i identitetit tonë kombëtar. Gjithashtu, element si dasma e kurbetit, apo hapësira të tjera të trashëgimisë kulturore botërore erdhën natyrshëm në sytë e publikut që po e ndjek nga afër këtë ngjarje të rëndësishme të kulturës në vend.

E dita e fundit e sotme e aktivitetit, do të sjell plot surpriza të tjera! Mos i humbisni!