Një studente juridiku, por që duket fiks si një modele. Enxhi është një vajzë me rreth 22 mijë ndjekës në Instagram dhe profili i saj është i mbushur me foto të bukura, por edhe veshje interesante. Meqënëse vera duket sikur nuk po largohet për t’i lënë vendin vjeshtës, Enxhi sigurisht që nuk i ka hequr ende veshjet e stinës së verës. Një nga veshjet që zgjodhëm nga Enxhi është nga pushimet e saj në Greqi.
Ajo ka zgjedhur një palë pantallona me bel të lartë, të kombinuar me një kanotiere të bardhë. E veçanta e veshjes së Enxhit është xhaketa treçerekëshe e bardhë, pa krahë. Edhe këpucët transparente me majë nuk mbeten pas. Me qëndrimin si modele, Enxhi i meriton 10 pikët për veshjen e sotme. Ju si mendoni?
