‘Sarp’ sulmohet për skenat e nxehta në serialin e ri, rrjeti kundër dy aktorëve

“Netflix”, seriali i parë turk, i cili ka personazhe kryesore dy aktorët e famshëm, Cagatay Ulusoy dhe Ayca Aycin Turan, nuk është pritur edhe aq mirë sa mendonin producentët. Në fillim, siguroi një audiencë të lartë, por skenat e nxehta që luanin dy aktorët e bënë publikun të kthehet kundër tyre.

Edhe pse producentët u munduan t’i justifikojnë skenat me pretendimin për t’i sjellë ngjarjet sa më reale, ka qenë e vështirë të bindej një publik i pamësuar me të tilla shfaqje erotike.

Skenat e nxehta mes aktorëve kanë bërë menjëherë xhiron në rrjet duke u shoqëruar me komente fyese: “U munduam të ishim sa më të vërtetë për të treguar atë që ndodh realisht në jetë”,- ka thënë aktori Cagatay Ulusoy, duke shtuar se sido që të jetë, ata janë aktorë profesionistë.

Megjithatë, masa më e madhe e njerëzve, në komentet e tyre, shkruanin se nuk është e drejtë që të transmetohen të tilla skena të pacensuruara në një televizion kombëtar.

Mediat turke shkruajnë se për këtë rol, Cagatay është paguar me rreth 65 mijë lira turke, ndërsa Ayca 40 mijë.