Si një nga prezantueset më simpatike të "Top Channel", ajo është shpesh në vëmendje të medias jo vetëm për angazhimet profesionale, por edhe për ndryshimet e shpeshta në pamjen e jashtme. Nuk mund ta mohojmë që Dojna Mema është një nga vajzat më simpatike shqiptare, ndaj ajo shpesh kthehet në etalon të pamjes apo stilit për shumë bashkëmoshatare të sajat, e jo vetëm.
Këtë herë, ishte ndryshimi i fundit që ajo bëri në pamje, që na bëri të shkruajmë sërish për Dojnën. Por, më shumë se sa look-u i ri i flokëve me balluke, na kuriozoi vendimi i saj për t'ju rikthyer imazhit të disa viteve më parë, kur ky model frizure ishte në modë. Kështu, përmes programit "Ask me a question", prezantuesja simpatike e Top Channel i është përgjigjur kuriozitetit të një fanseje që e pyet se pse vendosi të presë flokët me balluke.
Përgjigja e Dojnës? "Pashë veten 16 vjeç (tek kjo foto) dhe u kujtova që gjithmonë më kanë shkuar balluket”, ndërsa krahas argumentit poston edhe foton e saj të vjetër.
Dhe duket vërtet shumë yll apo jo?
