Ai erdhi sërish në Tiranë, festa nis pas pak në Pallatin e Kongreseve

Ermal Meta është rikthyer sërish në Tiranë. Këtë herë ai do të performojë në Pallatin e Kongreseve, i shoqëruar dhe nga një grup instrumentistësh nga Genova, me të cilët ka nisur turin nëpër Europë.

Disa orë përpara koncertit, ai është pritur në një takim nga kryebashkiaku Veliaj, me të cilin mbolli edhe një pemë. “Jam shumë i lumtur që i gjithë koncerti është “sold out”, një nga më të mëdhatë në Pallatin e Kongreseve të turit të Ermalit me GnuQuartet, një grup fantastik nga Genova. Jam entuziast për faktin se sapo mbaruam Samitin e Diasporës dhe kur flasim për ambasadorë të Shqipërisë dhe për njerëz që na bëjnë të ndihemi krenarë, unë besoj se Ermali është shembulli dhe produkti më dinjitoz shqiptaro-italian. Jam shumë i lumtur që je kthyer në shtëpi dhe mezi pres ta bësh rrugë dhe të vish më shpesh.”

Rikthimi në Shqipëri çdoherë, sipas artistit, i jep atij emocione. “Kjo është shtëpia ime, është Shqipëria, edhe kthehem gjithmonë me shumë emocione. Faleminderit shumë! Qyteti më duket jashtë mase i bukur, më pëlqen ndjenja që gjej rreth e rrotull, e kjo është, mbi të gjitha, për punën e mrekullueshme që ka bërë Erioni në këtë qytet”. Në koncertin e së hënës do të bëhen bashkë një sërë instrumentesh muzikore, si violë, violinë, violinçel dhe flaut.