Ermal Mamaqi feston sot ditëlindjen, Ami bën urimin emocionues

Moderatori i njohur shqiptar ka shumë arsye të forta për t'u ndjerë i plotësuar çdo ditë të jetës së tij!  Ndonëse sot për të është një ditë e shënuar dhe në familjen e tij ka festë, Ermal Mamaqi na e ka dëshmuar herë pas here se ndihet plot dhe i realizuar në çdo aspekt të jetës së tij, personale apo profesionale. Drejtuesi i "Xing" me Ermalin në TV Klan, është prej disa ditësh protagonist në media, sepse data e filmit të tij dhe Elvana Gjatës po afron! "Dy gisht mjaltë" do të nisë në kinematë e kryeqytetit prej datës 28 Mars dhe sipas parashikimeve pritet që filmi të ketë mjaftueshëm sukses.

Por, përtej arritjeve profesionale, Ermal Mamaqi rrethohet çdo ditë nga dashuria dhe mirënjohja e njerëzve më pranë jetës së tij. Dhe një nga personat më të rëndësishëm është doemoes Ami, bashkëshortja e tij dhe mamaja e dy fëmijëve të tyre. Në ditën speciale të lindjes, nuk mund të mungonin fjalët e zemrës dhe urimi emocionues nga ana e Amit për Ermalin. Ajo i shkruan: "Çdo vit që ikën më shumë të dua @ermalmamaqiofficial!!!❤ Sa shumë gjëra kemi ndërtuar dhe kaluar bashkë dhe sa të tjera na presin....#lifeexperience"!

E ky dedikim i ëmbël ta ngroh vërtet zemrën!