ABS, ABS , ABS. Kaq shumë i duam t’i kemi të gjithë si meshkujt ashtu dhe femrat…Por, ndonjëherë nuk jemi të mirë informuar për këtë grup-muskul dhe se si mund ta formojmë në mënyrat më efektive. I ushtroni dhe ju çdo herë në palestër dhe ende nuk i shihni? Më poshtë do ju tregoj pse ndodh kjo dhe çfarë të bëni për ta rregulluar mënyrën se si trajnoheni. Si dhe do ju ilustrojnë një video të shkurtër një rutinë të shkurtër me 6 ushtrimet e mia të preferuara që mund të realizohen kudo, pa ndihmën e pajisjeve shtesë.

Si fillim…..

Ju nuk mund të humbisni dhjam vetëm në një zonë të caktuar të trupit, sidomos në zonën e barkut. Kudo në trupin tonë kemi qeliza dhjami dhe për të humbur FAT në përgjithësi, duhet të humbasim njëtrajtësisht kudo në trup. Është anatomikisht e pamundur të humbasim dhjam në pjesën e sipërme të trupit, pa rënë aspak dhe në pjesën e poshtme dhe anasjelltas. Por, sigurisht mund të targetojmë zona të ndryshme për të pasur më shumë fokus aty në theksimin e muskujve. Po ashtu, mund të bëjmë të njëjtën gjë për zonën e barkut. Por, përpara se të kalojmë në ushtrime, dua të përsëris shprehjen e famshme dhe shumë të vërtetë “ABS are made in kitchen”. Këtë vazhdoj ta përsëris shumë për çdo gjë por më besoni, zbatimin e parë e gjeni pikërisht tek zona e barkut.

SHPJEGIMI SHKENCOR PAS MUSKUJVE TË BARKUT:

(Shkurtimisht) Muskujt e barkut përbëhen nga tre shtresa(shtresa e thellë, e mesme dhe sipërfaqësore). Është pikërisht zona sipërfaqësore që na bënë të dukemi me 6-Packun e famshëm kur e trajnojmë dhe bëjmë ushtrime për muskujt e asaj zone.  Por si një zonë sipërfaqësore ajo mbulohet nga një shtresë dhjami(FAT). Mënyra më efektive për ta hequr këtë shtresë që na mundon është të shtojmë ushtrimet me intensitet të lartë(HIIT) si sprintet, në rutinën tuaj të përhershme. Sigurisht çelësi është të ushtroheni në mënyrë të përhershme me pesha për të djegur jo vetëm dhjam, por për të ndërtuar dhe muskul të përhershëm në shtresën sipërfaqësore dhe të poshtme të abdominaleve tuaja.

“10 javë duke u marrë me ushtrime rezistence, mund t’ju çojë në shtim total në peshën e trupit me 1.4KG, njëkohësisht t’ju rrisë metabolizmin me 7% dhe të humbisni peshë(masë) dhjamore me 1.8 KG.”

T’ju them dhe një sekret? Shumica e atletëve që shihni dhe admironi barkun e tyre me forma të lakmueshme abdominalesh, NUK i ushtrojnë ato. Pse i kanë? Pikërisht për arsyet që shpjegova më lartë. Mos harroni jeni vetëm një shtresë dhjami larg nga abdominalet që dëshironi. Një sekret tjetër, ose këshillë është të mos i trajnoni më shumë se 1-2 herë në javë ashtu si grup muskujt e tjerë. Kryesisht kur trajnoni pjesën e sipërme të trupit, apo bëni HIIT & Cardio.

6 ushtrimet për ABS, që mund t’i bëni kudo...

Kjo është një rutinë e thjeshtë dhe e shkurtër me gjashtë ushtrime mjaft efektive për muskujt e barkut, ABS. Këto të fundit mbulojnë të gjitha grupet e muskujve në atë zonë,(transversus, rektus &obliques) të cilat mund t'i realizoni kudo që të jeni. Pa patur nevojën për ndonjë pajisje shtesë:

“Sculpt your BODY, not just some parts of it. No one would like to have an unfinished drawing on their home wall”