Skandal/ Princi William e ka tradhtuar Kate-in me mikeshën e saj?
Situatë e vështirë për familjen mbretërore
Nëse mendonit se marrëdhënia mes Kate dhe William është perfekte, keni menduar gabim. Me sa duket, duka dhe dukesha e Kembrixhit janë duke kaluar një periudhë aspak të lehtë në marrëdhënien e tyre. Sipas revistës “In Touch”, princi William e ka tradhtuar Kate-in gjatë kohës që ajo ishte shtatzënë me fëmijën e tretë.
Sipas këtyre thashethemeve, ai ka shkuar me Rose Hanbury, e cila është markezë e Cholmondeley dhe njëkohësisht mikeshë e Kate-it dhe familjes mbretërore. Rose është e martuar me aristokratin britanik, David Rocksavage, i cili është rreth dy dekada më i madh se ajo. Sipas The Sun, Kate dhe Rose kanë qenë shumë të afërta, por tani jo më. Madje, Kate i ka kërkuar William-it t`i shkëpusë të gjitha lidhjet me Cholmondeley-t.
Edhe pse thashethemet po qarkullojnë me shpejtësi nëpër të gjitha mediat, nuk ka asnjë reagim nga përfaqësuesit e familjes mbretërore.
