Lewis Hamilton bën gjestin prekës për vogëlushin që i kanë mbetur vetëm pak ditë jetë

Harry Shaw është një vogëlush nga Redhill, Surrey, i cili i ka dërguar një mesazh fatsjellës kampionit të Formula 1, Lewis Hamilton-it. Vogëlushi ia ka dërguar mesazhin nga shtrati i spitalit. Ai vuan nga kanceri dhe i kanë mbetur edhe pak ditë jetë për këtë arsye së fundi ka dalë nga spitali dhe po i kalon ditët e mbetura në shtëpi. Në videon ku shprehte mesazhin, Harry mbante një fotografi të firmosur nga Hamilton dhe një kapele, dhurata që ia kishte dërguar më parë kampioni.

Duket se mesazhi i Harry-t ishte shumë frymëzues për Hamilton, i cili ia dedikoi atij fitoren e së shtunës në Spanish Grand Prix. Pas kësaj, Hamilton i dërgoi një prej makinave të garave dhuratë Harry-t.

Pas kësaj surprize, i ati i Harry-t, James u shpreh: “Nuk e njoh Lewis-in, por mendoj se e pamë se çfarë njeriu i mirë është. Ishte thjesht një mesazh i ndjerë, ai e fitoi Grand Prix për Harry-n dhe kjo do të thotë shumë për ne."