Ditë e trishtë për Bihterin, aktorja ndahet me njeriun e dashur

Është ndarë nga jeta dy ditë më parë, në moshën 38-vjeçare, fotografi i njohur Aykut Comert, një prej miqve të ngushtë të aktores Beren Saat.

Pas një lufte të gjatë me sëmundjen e kancerit, Comert u largua nga jeta para kohe duke lënë një dhimbje të madhe te familjarët, por edhe te miqtë e tij.

Beren Saat, bashkë me një grup miqsh, është fotografuar gjatë ceremonisë mortore ditën e djeshme. Pranë saj, ishte edhe bashkëshorti, raporti me të cilin, sipas mediave turke, po shkon drejt fundit.

Bihter ka shpërthyer në lot ndërsa i gjithë kortezhi po përcillte për në banesën e fundit mikun e saj të ngushtë.

Edhe në rrjetet sociale, Bihter i ka dedikuar një mesazh të ndjerë mikut të saj të ngushtë.

“Është shumë e vështirë të gjesh dikë që ndez një dritë për ty në kohë të vështira. Është pothuajse e pamundur që të gjesh dikë që të qëndrojë krah teje në heshtje kur arratisesh drejt errësirës, e madje të të të çojë në atë gjendje sa të qeshësh më zë të lartë. Mallëngjimi për ty nuk do të përfundojë kurrë shok i dashur. Vallëzo me yjet edhe për mua”,- shkruan Saat për 38-vjeçarin.