Fifi nuk flet me Enedën pas Këngës Magjike? Ajo ka diçka për të thënë për të

Pas finales së madhe të Këngës Magjike ka pasur shumë komente lidhur me fituesen Eneda Tarifën, dhe Fifin e cila mori vendin e dytë në këtë festival. U aludua se vajzat nuk flasin më me njëra-tjetrën për shkak të fitores së Enedës, mirëpo gjërat me sa duket nuk janë kështu, ose të paktën nuk na rezultojnë të tilla nga deklarata e fundit e Fifit. Fifi para disa minutash ka bërë një video live në Instagram, ku ndjekësit e kanë pyetur për shumçka, dhe një prej tyre i ka pyetur se pse nuk fitoi ajo Këngën Magjike, por e fitoi Eneda.

"Përse nuk fitove ti, por ajo sorra"?-shkruan një komentues në videon live të Fifit.

Ndërkohë përgjigja e saj është kjo "Ajo sorra ka emër, e ka emrin Eneda Tarifa, ka pas një këngë shumë të bukur, po mos të më kishte pëlqyer nuk do i kisha dhënë 30 pikë. Jam shumë e lumtur që ka fituar Eneda dhe jo dikush tjetër",- është shprehur Fifi duke shtuar se ka pasur garë të fortë mes saj dhe Enedës, pasi kjo e fundit është këngëtare me super vokal.

Pra, Fifi e vlerëson Enedën dhe siç duket nuk ka hatërmbetje mes tyre.