Sa kushton të takosh Maluma-n në Tiranë? Zbulohet data e koncertit
Jeni gati për të takuar Maluma-n?
Siç u mësua pak ditë më parë, këngëtari latin, Maluma, do të vijë në Tiranë për një koncert në pranverë. Lajmi u prit me entuziazëm nga të gjithë fansat e këngëtarit dhe adhuruesit e muzikës së tij.
Në website-in e tij zyrtar, Maluma ka bërë të ditur datat e koncerteve të tij në të gjithë botën. Midis vendeve që ka zgjedhur për të performuar, data 14 mars, që përkon edhe me festën e Ditës së Verës, shënon koncertin në Tiranë.
Fansat do kenë mundësi jo vetëm ta shohin nga afër artistin, të dëgjojnë hitet e tij muzikore, por edhe ta takojnë atë nga afër.
Duke blerë një nga biletat e “Meet & Greet”, fansat do të kenë mundësi të bëjnë një foto me Malumën dhe një suvenir zyrtar tijin. Çmimi i “Meet & Greet” është i njëjti, pavarësisht qytetit ku ndodhet, 370 dollarë (335 euro).
Jeni gati?
