Momentet e papublikuara nga dasma e Justin-it dhe Hailey-t në altar

Justin Bieber dhe Hailey Baldwin u martuan për të dytën herë në shtator të vitit të kaluar. Dasma ishte private dhe të vetmet pamje që u siguruan nga mediat ishin ato që çifti postoi në Instagram dhe ndonjë foto tek-tuk e postuar nga miqtë e tyre.

Tani, rreth 5 muaj pas dasmës, Justin Bieber ka publikuar një video në YouTube të titulluar 'The Wedding: Officially Mr. & Mrs. Bieber', pjesë e dokumentarit të tij, “Seasons”. Në video shfaqen pjesë nga dasma të papublikuara më parë, përfshirë edhe momentin e betimeve. Po ashtu, gjatë videos Justin zbulon se i ka propozuar Hailey-t gjatë një udhëtimi në Bahamas, duke e surprizuar me një unazë, teksa ajo zbriste nga shkallët.

Për herë të parë mund të shihni momentet më të bukura nga dita më e veçantë e çiftit të ri.