Pse njerëzit po e urrejnë shtëpinë e Drake?

Falë Tik Tok, Drake nga ndarë pjesë nga shtëpia e tij në Toronto, por fotot e publikuara nga Architectural Digest janë diçka krejt tjetër. Për numrin e muajit maj, Drake i lejoi fotografët e revistës së famshme të hyjnë në shtëpinë e tij dhe nga fotot duket sikur bëhet fjalë për një botë tjetër.

Kjo shtëpi ka gjithçka që një njeri do të donte në shtëpinë e ëndrrave, duke filluar nga dhomat gjigante, salla e basketbollit, studio regjistrimi, shandanë të mëdhenj dhe shumë pasqyra. Ah, edhe dysheme mermeri!

Ndërkohë që disa mbetën me gojë hapur nga kjo shtëpi luksoze, shumë të tjerë e urrejnë.

Disa prej komentuesve që nuk janë kursyer:

“Edhe unë e urrej shtëpinë e Drake!”

“Drake është një 30-vjeçar me shije dizajni të gruas së një gangsteri 50-vjeçar.”

“Më dhembin sytë!”

Një tjetër e krahason me një hotel në Las Vegas:

“Shtëpia e Drake është hoteli më i bukur që kam parë në Las Vegas.”

Komentet mund të jenë të ashpra, por dyshojmë se Drake do të mërzitet. Edhe nëse mërzitet, të paktën mund të qajë në kolltukun e rrethuar me Birkin, në dhomën e tij të veshjes.