Kush janë 10 njerëzit më të pasur në botë, poshtë të 30-ave?
Nga manjatja e kozmetikës Kylie Jenner, deri te trashëgimtari i imobiliareve të Hong Kong-ut, Jonathan Kwok, këta 10 miliarderë vlejnë bashkë 15.9 miliardë dollar.
Nga 2095 miliarderët e botës, vetëm 10 janë më pak se 30 vjeç. Origjina e tyre është nga Shetet e Bashkuara, Brazili, Gjermania, Hong Kongu, Irlanda dhe Norvegjia.
Pavarësisht se tregjet botërore kanë rënë për shkak të pandemisë së Covid-19, tre njerëz më pak se 30 vjeç kanë hyrë në listën e më të pasurve të globit për herë të parë këtë vit.
Pedro de Godoy Bueno, 29 vjeç, ka trashëguar pasurinë e të atit milioner, Edson de Godoy Bueno, i cili ndërroi jetë në 2017-ën. Pasuria e Pedros u rrit me 1.1 miliard dollar, ndërsa vlera e aksioneve të shoqërisë braziliane të kujdesit shëndetësor, Diagnósticos da América SA, u trefishua.
Hyrja e dytë e re është Lisa Draexlmaier, 29 vjeç, pronare dhe së bashku me të atin, Fritz, CEO e “Fritz Draexlmaier Co & KG”.
Elizabeth Furtwaenger, 28 vjeç, tani vlen 1,2 miliard dollar, pasi i ati, Hubert Burda i dha 37,4% të “perandorisë” mediatike të familjes (pjesë e së cilës janë edhe versionet gjermane të Elle dhe Playboy).
Vetëm tre njerëz nga ky grup janë miliarderë të bërë vetë (self-made), themeluesi i Snapchat, Evan Spiegel, John Collison i “Stripe e” dhe Kylie Jenner, e cila është edhe miliarderja më e re e të gjitha kohërave.
Të tjerët poshtë të 30-ave e kanë trashëguar pasurinë e tyre.
Më poshtë renditja e 10 miliarderëve poshtë të 30-ave, sipas moshës, nga më i vogli te më i madhi.
1. Kylie Jenner
Mosha: 22
Pasuria: $1 miliard
2. Alexandra Andresen
Mosha: 23
Pasuria: $1,1 miliard
3. Katharina Andresen
Mosha: 24
Pasuria: $1,1 miliard
4. Gustav Magnar Witzoe
Mosha: 26
Pasuria: $2,3 miliardë
5. Elizabeth Furtwaenger
Mosha: 28
Pasuria: $1,2 miliard
6. Jonathan Kwok
Mosha: 28
Pasuria: $2 miliardë
7. John Collison
Mosha: 29
Pasuria: $3,2 miliardë
8. Evan Spiegel
Mosha: 29
Pasuria: $1,9 miliard
9. Pedro De Godoy Bueno
Mosha: 29
Pasuria: $1,1 miliard
10. Lisa Draexlmaier
Mosha: 29
Pasuria: $1,1 miliard
Burimi: Forbes Italia
