Si të mbani larg mushkonjat me këta përbërës natyralë
Lamtumirë mushkonja
Temperaturat janë rritur dhe si rjedhojë është ndjerë prezenca e mushkonjave gjatë mbrëmjeve verore. Vitet e fundit shumë shtete të Ballkanit po përballen me raste të infeksioneve të transmetuara nga mushkonjat. Sidomos pas vitit 2009 e në vazhdim janë paraqitur disa raste të virusit të Nilit Perëndimor, por edhe disa raste të malaries. Mushkonjat gjithashtu mund të transmetojnë edhe viruse të tjera të rrezikshme si Zika, viruse tropikale etj.
Përveç menyrave të tjera që zgjidhni vazhdimisht për të larguar mushkonjat, ju prezantojmë me një recetë të thjeshtë, me produkte natyrale.
Çfarë ju duhet:
Kavanoz qelqi
Limonë
Lime
Ujë
Rozmarinë e freskët
Qirinj
Vajëra aromatizues
Si ta përgatisni:
Prisni limonin dhe lime-in në feta të holla dhe vendosini nga dy në çdo kavanoz. Shtoni dy degë të vogla rozmarinë. Më pas mbushni me ujë kavanozin dhe shtoni 10 pika nga çdo vaj aromatizues. Në fund vendosni qiririn e vogël dhe gjithçka është gati.
