‘Kisha rrahje të shpeshta zemre’, ylli i ‘Harry Potter’, shtatzënë, dërgohet me urgjencë në spital
Si është ajo dhe fëmija?
Ylli i Harry Potter, Jessie Cave zbuloi se u dërgua me urgjencë në spital me rrahje të shpeshta zemre.
Kanë kaluar pak javë pasi ajo njoftoi se është shtatzënë me fëmijën e saj të tretë me komedianin Alfie Brown.
Ylli 33-vjeçar, e cila luajti Lavender Brown tek Harry Potter, vuante nga rrahjet e shpeshta të zemrës, ënjtje të kyçeve të këmbës dhe dhimbje koke.
Vuajtja e saj e detyroi të kalonte pasditen nën kujdesin e mjekëve.
Aktorja shkruajti në Instagram për të azhurnuar fansat mbi shëndetin e saj, pasi shpjegoi se nuk ka pasur asnjë simptomë si këto gjatë dy shtatëzënive të para.
Aktorja ka pritur që ata të kontrollojnë rrahjet e zemrës së foshnjës së saj.
Ajo tha: "Unë jam në spital duke pritur që mjeku të kontrollojë kyçin e fryrë tek këmbët. Infermierja tha që nuk mendon se këmbët e mia duken të fryra ... Doja të thoja ‘por kyçet e këmbëve të mia zakonisht janë shumë të holla. Si të Jennifer Lopez '.
Ajo më vonë bëri shaka: "@alfiebrowncomedian mendon se kjo po ndodh, sepse një stuhi po vjen".
Jessie u tha fansave se kishte veshur një maskë gjatë kontrollit.
Ajo shënoi: "Ia vlen 4 orë pritje të mundshme vetëm për të dëgjuar rrahjen e [ emoji zemre] të foshnjës."
Aktorja tashmë është një nënë krenare për djalin Donnie, pesë vjeç dhe vajzën Margot, tre vjeç.
