Nuk u reziston dot akulloreve? Ja kur është ora e duhur për t’i konsumuar

Akullorja, shija më tunduese e verës, siç dihet, ka një përmbajtje të lartë vitaminash dhe mineralesh. Nëse të gjithë deri më sot kishim menduar se akulloret duhen konsumuar gjatë pjesës së parë të ditës, në fakt, sipas ekspertëve, ato duhet të konsumohen vetëm në orët e darkës. Duke theksuar përmbajtjen e lartë të vitaminave A, B, C, D dhe E, por edhe të mineraleve si kalcium, fosfor, magnez, natrium, kalium, hekur dhe zink – shumë të rëndësishme për trupin e njeriut, Dr. Fevzi Ozgonul thotë se mënyra më e mirë për t’i marrë këto vlera ushqimore është pikërisht nga konsumi i akulloreve.

Duke këshilluar që të mos konsumohet akullore gjatë ditës, Dr. Ozgonul ndalet tek arsyeja: "Për të shmangur efektin e dëmshëm të sheqerit që përmban një akullore, ajo duhet konsumuar pas orës 10:00 të mbrëmjes. Në mënyrë që trupi të absorbojë të gjithë sasinë e sheqerit, e rëndësishme është që të ketë marrë ushqim gjatë ditës, në mëngjes dhe në drekë, por natyrisht, duhet të qëndroni larg nga ëmbëlsirat dhe pastat e tjera për të pasur një tretje sa më të shëndetshme."

Akullorja e parë është prodhuar 3000 vjet më parë, në Kinë. Pastaj, në vitin në vitin 1777, filloi të prodhohet edhe në USA. Në fillim ishte thjesht një produkt i bërë në shtëpi deri në mesin e shekullit XIX dhe më vonë, në gjysmën e dytë të mijëvjeçarit të dytë, akullorja filloi të bëhej një produkt i industrializuar.