Këngëtari i njohur rrëfen se ka parë UFO dhe këmbëngul se fantazmat ekzistojnë
Post Malone ka pasur disa eksperienca jo dhe aq të zakonshme dhe për to ka folur vetëm së fundmi. Në një intervistë me Joe Rogan, ai rrëfeu disa ndodhi të çuditshme.
“Isha rreth 16 vjeç. Isha në Nju Jork... tezja dhe burri i saj ishin shumë të rreptë dhe duhet të shkonim në shtrat në një orar të caktuar, në 10:00, mendoj. Po shihja nga dritarja me kushëririn tim dhe ishte një dritë që qëndronte atje, pastaj papritur u zhduk. Ishte e pashpjegueshme", -u shpreh ai.
Këngëtari shtoi gjithashtu se ai ka parë edhe herë të tjera objekte të tilla të çuditshme, madje në vende të ndryshme.
"Unë kam jetuar në Tarzana ... Duket si një fushë klasike forcash ... është si një kupë në një formë rrethore. Mendoja: "Si nuk e pa askush tjetër?" Por unë isha atje me katër persona të tjerë dhe ata panë gjithashtu të njëtën gjë."
Gjatë bisedës u fol edhe për fantazmat, për të cilat Post Malone këmbënguli se "janë të vërteta”.
