Me atlete në fushatë? Po, por Kamala Harris nuk është e vetmja politikane me këtë stil

Kamala Harris ka tërhequr vëmendjen e mediave me atletet në fushatë, por nuk është e para që i vesh. Të gjithë e kujtoni pamjen e habitur të Presidentit francez Macron kur Edi Rama nga Shqipëria u shfaq me atlete dhe kostum. Në Shqipëri, ne kemi fituar imunitet me stilin e Kryeministrit Edi Rama, por para 4- vjetësh mediat e huaja u morën me atletet e tij.

Madje, më vonë u mësua, siç rrëfeu edhe vetë Rama, se i kishte premtuar t’i dhuronte një palë të tilla edhe Emmanuel Macron.

Në SHBA, jo Joe Biden, sepse ai është pak i shkollës se vjetër edhe për atletet, por energjitë dhe vëmendjen po e tërheq Kamala, edhe me atletet e saj në fushatën elektorale.

Kamala Harris thotë “The Guardian” po bën fushatë me ‘sneakers’, duke komentuar se edhe ajo që vesh tregon për ty. Në këtë rast tregon një politikan në veprim, që përqafon ndryshimin.

Megjithatë, Kamala nuk është e para politikane dhe se Edi në Shqipëri i ka veshur që në fushatën e 2017-ës kur kërkonte timonin me atlete dhe pantallona të gjera, duke kapur kështu edhe pak stilin e brezit të ri.

Edhe për Edi Ramën ka pasur komente për këtë risi në look.

Në dhjetor të vitit 2017, prestigjiozja italiane “Corriere” e shpalli Kryeministrin Rama si personazhin e vitit për stilin e veçantë të veshjes së tij.

Gjithsesi, një gjë është e sigurt në të gjitha rastet, veshja sportive e politikanëve, transmeton shumë më shumë dinamizëm dhe energji në jetën e tyre politike./tp/