Surprizat e Robert Berishës nuk kanë të ndalur. Muzikanti i njohur, së shpejti do të provojë një fushë tjetër të ekranit, e cila, në fakt, i ka pëlqyer gjithmonë.
Ndonëse është marrë me muzikë prej dhjetëra vitesh dhe prej shumë kohësh e ka gjetur veten edhe në këngë, Roberti kërkon të rrëmbejë një vëmendje tjetër nga publiku i tij.
Me një titull intrigues dhe me një klip prezantimi jo më pak të tillë, Roberti ka zbuluar se në Klan Kosova do të ketë hapësirën e tij për një program të ri, përmbajtjen e të cilit preferon ta mbajë ende sekret.
“Robi plaket kur don vet” është titulli që mban programi, drejtimi i të cilit i është besuar Robert Berishës. Çfarë tjetër më shumë se “rinia e përhershme” mund t’i rrinte më mirë një profili si ai i Robertit?
View this post on Instagram@robiplaketkurdonvet @base.agency @klankosovaofficial @erionasejdiu #comingsoon #latenightshow
Detajet, muzikanti i njohur do t’i zbulojë së shpejti. Deri atëherë, vazhdon të shijojë jetën si beqar, por i rrethuar gjithmonë nga vajza të bukura.
E keni zili?
Epo, s'jeni vetëm!
