Shpërthim në qendër të Madridit, shembet një ndërtesë dhe dyshohet për disa të plagosur
Një shpërthim i fuqishëm ka ndodhur në qendër të Madridit, në një ndërtesë që i përkiste kishës, e cila si pasojë u shemb. Një person ende nuk po gjendet.
“Priftërinjtë që jetojnë në katin e pestë dhe të gjashtë janë mirë. Ne jemi duke u përpjekur të gjejmë një vullnetar që punon me ne,” –tha një prej priftërinjve për Telemadrid.
Një reporter për transmetuesin publik TVE tha se kishte disa të plagosur, pa dhënë detaje. Shërbimet e urgjencës nuk mund të konfirmojnë menjëherë nëse ka pasur lëndime.
URGENTE
— Policía Nacional (@policia) January 20, 2021
Ha habido una gran explosión en un edificio en la calle Toledo de Madrid
Ya hay agentes trabajando en la zona.
Por favor, no te acerques a curiosear
Grupos de personas o vehículos privados pueden entorpecer la llegada y el trabajo de los servicios de emergencias pic.twitter.com/PhL5ToSyew
Një sasi e madhe tymi dilte nga ndërtesa e shembur, ndërsa punëtorët e shpëtimit evakuonin të moshuarit nga një azil aty pranë.
Ndërtesa e shembur ishte një kompleks fetar që ofronte trajnime për priftërinjtë dhe jepte ushqime për të pastrehët, tha një fqinj për Reuters.
Një zëdhënëse e policisë tha se zona po evakuohej, por nuk mund të konfirmonte burimin e shpërthimit.
La Sexta TV citoi burime qeveritare duke thënë se mund të ketë qenë një rrjedhje gazi. Zyrtarët nuk mund të konfirmonin menjëherë.
Shpërthimi ndodhi në rrugën Toledo, në qendër të qytetit.
@BomberosMad @SAMUR_PC @policiademadrid están en la calle Toledo trabajando tras una #explosión. pic.twitter.com/BuSzasNPJn
— Emergencias Madrid (@EmergenciasMad) January 20, 2021
Burimi: Reuters
