Çiljeta Xhilaga feston sot ditëlindjen e saj të 36-të. Me siguri këngëtarja do të ketë marrë shumë dhurata, por nuk besojmë se ka marrë dhuratë më të madhe dhe më të veçantë se ajo që i bëri partneri i saj, portieri Alban Hoxha.

Ai i ka blerë Çiljetës një yll në qiell, me emrin e saj. Këngëtarja nuk mund ta mbante një dhuratë të tillë vetëm për vete dhe e ka ndarë me ndjekësit në Instagram.

“Kur të blen dashuria një yll në qiell dhe e quan Çiljeta. Faleminderit që ma mbush zemrën me kaq dashuri. Dhurata më e bukur ndonjëherë”, -ka mbishkruar ajo videon kur tregon dhuratën nga Albani.

Çiljeta dhe Albani janë bashkë prej 5 vitesh dhe duket se gjërat po shkojnë për mrekulli.