Ndahet nga jeta aktori dhe regjisori i njohur Andon Qesari
Është ndarë nga jeta mëngjesin e sotëm, aktori dhe regjisori i mirënjohur Andon Qesari. Aktori ka ndërruar jetë në moshën 78-vjeçare pas një beteje të gjatë me një sëmundje, të cilën fatkeqësisht nuk e ka mposhtur dot.
Lajmin e hidhur e ka bërë publik i biri i aktorit, Edon Qesari, i cili tregoi se vitin e fundit gjendja shëndetësore e të atit ishte rënduar shumë.
Andon Qesari, lindi në Qeparo më 27 qershor të vitit 1942 dhe ka luajtur në shumë filma e vepra teatrale ndër vite. Ndër rolet më të njohura mund të përmendim Besnikun në “Shënomëni dhe mua”, Fenin në “Furnalta”. Realizoi më vonë Vurmi “Intrigë dhe dashuri”, Qamil Beu “Epoka para gjyqit”, Aleksi “Doktori pacient”, Luixhi “Tragjedia e Deas”, Zeusi “Prometeu”, At Kormili “Monserati”, Kryetari “Vizita e damës plakë”, Ksanthi “Ezopi”, Komisari “Opertunesku”, Kapuleti “Romeo e Zhulieta”, Berlingu “Vizita e inspektorit”, Konti “Fernando Krafi më ka shkruar një letër”, etj.
Ka interpretuar edhe në disa filma artistikë. Qesari ka qënë i suksesshëm edhe si regjisor në: “Karnavalet e Korçës”, “Pallati 176”, “Nën dritat e skenës”, “Në jetë”, “Valsi i Titanikut”, etj. Është nderuar me titullin “Artist i Merituar”.
