Një ditë pas finalizimit me sukses të udhëtimit të helikopterit hapësinor në planetin Mars, NASA ka publikuar pamje me ngjyra të mara nga planeti i kuq.
Mes fotove është edhe një shkrepje nga “7 minutat e terrorit” kur sonda përballoi kushte ekstreme ndërsa futej në atmosferën e Marsit dhe afrohej në sipërfaqe.
NASA thotë se një objektiv kryesor për misionin e roverit Perseverance (rover - pajisje për eksplorimin e sipërfaqes planetare) është astrobiologjia, duke përfshirë kërkimin e shenjave të jetës antike.
Sonda prej 2.2. miliardë dollarësh e preku sipërfaqen e planetit të kuq të enjten pas një udhëtimi prej 239 milionë miljesh.
Helikopteri ka fotografuar po ashtu edhe sipërfaqen e pluhurosur dhe shkëmbore të Marsit ndërkohë që NASA është e emocionuar për mundësitë që e presin përpara Perky-n e saj të dashur.
Minuta pasi Perky filloi të rrotullohej rreth Marsit, u kap një fotografi e njërës prej rrotave të rrethuar nga peizazhi me pluhur duke përdorur kamerën e saj me ngjyra 20 megapiksel.
Agjencia Amerikane e Hapësirës premton më shumë foto në ditët e ardhshme dhe ndoshta edhe një regjistrim audio të zbritjes.
