Dikur mikesha, ndërsa sot armike? Ç’ka ndodhur mes dy moderatoreve të famshme italiane
Pak ditë më parë, Dagospia shkroi se Maria De Filippi ka një klauzolë në kontratën me Mediaset, sipas së cilës Barbara d’Urso-s nuk i lejohet të merret me tema dhe të shfrytëzojë personazhe nga programet dhe transmetimet e saj.
Dagospia theksoi gjithashtu se kjo klauzolë nuk është e pranishme në kontratën e Alfonso Signorini-t (drejtuesi i reality-t Grande Fratello VIP), pasi Barbara i ka pasur thuajse të përditshme historitë në lidhje me GF VIP.
Diçka tjetër që shtoi dyshimet se lajmi i klauzolës mund të jetë i vërtetë është se dje Pippo Franco ishte i ftuar në Domenica Live, së bashku me djalin e tij Gabriele, i cili mori pjesë në Temptation Island VIP në vitin 2019. Të dy ishin të ftuar për të treguar jetën e aktorit, por diçka e çuditshme ndodhi gjatë kësaj interviste. Në asnjë moment nuk u përmend programi i Maria De Filippi-t dhe nuk u shfaq asnjë imazh nga reality show. Po ashtu, kur Barbara iu referua programit, ajo thjesht foli për një reality show.
Çuditërisht, Barbara në të kaluarën ka qenë e ftuar e Maria-s në “C'è posta per te” dhe personazhe të programit të saj “Uomini e Donne” ishin në të njëjtën kohë të ftuar në programet d'Urso-s.
Por, në kohët e fundit, personazhet e “Uomini e Donne” nuk janë shfaqur më në emisionin e Barbara d’Urso-s.
A është fakti që D'Urso nuk merret me tema dhe nuk shfrytëzon personazhe nga programet e De Filippi-t rastësi, apo është në të vërtetë një klauzolë në kontratë? Tani për tani, dy prezantueset nuk kanë thënë asnjë fjalë për këtë temë.
