Nesër festohet Kurban Bajrami, KMSH: Ky është programi për faljen e Namazit
Nesër, më 20 korrik, të gjithë besimtarët myslimanë do të kremtojnë festën e Kurban Bajramit. Me rastin e kësaj dite, Komuniteti Mysliman Shqiptar ka njoftuar të gjithë besimtarët se falja e Namazit do të kryhet në orën 06:20 të ditës së martë, në sheshin “Skënderbej”.
NJOFTIM!
KURBAN BAJRAMI 2021
Të dashur qytetarë, nesër është dita e parë e Kurban Bajramit!
Më poshtë gjeni programin zyrtar të organizimit nga Komuniteti Mysliman i Shqipërisë.
Kurban Bajrami është ditën e martë (nesër), më 20 korrik 2021.
Namazi i Bajramit do të falet në sheshin “Skënderbej”, Tiranë.
Programi i Kurban Bajramit vijon si më poshtë:
• 05:50 Hapja e programit
• 05:55 Këndim Kurani, Imami Bilal Teqja
• 06:00 Fjala përshëndetëse e Kryetarit të KMSH-së, H. Bujar Spahiu
• 06:10 Ligjërata e Nënkryetarit të KMSH-së, z. Taulant Bica
• 06:20 - Falja e Namazit, prin Kryetari i KMSH-së, H. Bujar Spahiu
• 06:25 – Hutbeja e Bajramit, Myftiu i Tiranës, z. Lauren Luli
Gjithashtu, ju bëjmë me dije se pritjet tradicionale me rastin e kësaj feste në selinë e institucionit do të zhvillohen nga ora 09:00 deri në orën 12:00
Komuniteti Mysliman i Shqipërisë, ju uron të gjithë shqiptarëve, Gëzuar Kurban Bajramin!
