Pse të gjithë po thonë se Rita Ora dhe Taika Waititi janë martuar?

Taika Waititi dhe Rita Ora janë bashkë prej më shumë se një viti dhe tani thuhet se mund të jenë në fakt burrë e grua.

Kjo pasi njerëzve syshqiponjë u ka rënë në sy një detaj. Taika është parë me një unazë rreth që duket si unazë martese në një foto të bërë nga motra e Ritës. Në një Story në Instagram të shkrepur nga Elena Ora, Taika shihet duke shijuar diellin tropikal, me një unazë në gishtin e martesës.

Nga ana tjetër, Rita ndau po ashtu një foto të Waititi-t në Instagram Story-n e saj, por përdori një mbishkrim për të mbuluar dorën e tij. Lëvizje që ka shtuar dyshimet se lajmi është i vërtetë, thjesht ata s’janë gati ende ta bëjnë publik.

Në fakt, thashethemet e martesës nisën në qershor, pasi disa burime lanë të kuptohet se ata planifikonin të bënin një ceremoni intime martesore brenda këtij viti, përpara se të festonin në Londër me një ceremoni më të madhe.